你有冇試過——
明明事業穩定、收入唔錯、有家庭、有伴侶， 但心入面總覺得 「好似差啲嘢」？
嗰種感覺，唔係悲傷，
而係一種淡淡嘅空虛，好似成個人都「離線」咗。
其實，唔係你貪心。
好可能——你只係三樣最基本嘅心理需要冇被滿足。
心理學家Edward Deci & Richard Ryan 提出嘅 Self-Determination Theory（自我決定理論） 指出，人要感受到快樂、充實、動力十足，其實需要三樣嘢：
自主感係你同自己講： 我有選擇，我掌控自己嘅人生。
香港好多人其實「好成功，但唔自由」。
你每日開會、回覆訊息、滿足老闆、同時滿足屋企人，
但幾時先係你真正想要嘅方向？
當生活變成一連串「應該」而唔係「我選擇」，
你嘅心自然會開始收縮。
有自主感，唔代表反叛。
而係你可以真誠咁話：「呢樣嘢，我想。」
「嗰樣嘢，我暫時唔想。」
就算係同伴侶傾吓旅行計劃，都應該有得表達自己想點。
能力感係覺得自己 有能力、做到嘢、有進步。當你感受到透過自己行動帶來進步，你會有更大的動力。
你有冇試過喺關係裡面覺得無力？
講極都唔被聽，試過好多方法都冇用，
慢慢，你對自己都冇信心。
當人覺得「我冇用」、「我改變唔到現狀」，
就會開始退縮、麻木、甚至放棄努力。
但只要你學到一個新技巧——
例如用勇敢地用有效的語言表達自己，
一次溝通成功後，你會覺得：「原來我做到！」
嗰刻，你嘅腦會記低：
「原來安全地表達自己，係得㗎。」
呢份信心，會一層層推動你去進步，
令你重新掌控人生，重新有能量。
連結感係覺得自己被理解、被接納、被關心。
香港呢個城市，好多人住得近，但心距離卻遠。
你可能每日同伴侶講好多實際嘢：
「記得買奶粉」、「今晚幾點返」、「個report搞掂未？」
但幾時先有真正嘅心連心對話？
人天生渴望被理解。
當你感受到對方真心聽你講，唔批評、唔打斷，
嗰刻，你整個人會鬆開。
被理解，係世界上最強大嘅療癒。
因為當你被理解，你就唔再孤單。
三樣都齊，你會覺得充滿自信和能量。
我最近訪問過十位專業人士，其實絕大部份人都未能完全滿足呢三個需要：工作太忙缺乏自主感、長期的關係問題產生無力感、即使多年的婚姻仍然缺乏連結感，未能完全理解對方⋯
試下問自己：
你唔需要一次過解決晒。
只要揀一個細細步——
今日就做一件令自己感覺更自主、更有力、更連結嘅事。
幸福從來唔係「再多啲」——再多錢、再多旅行、再多成功，
而係感到滿足——我有自由，我有能力，我被愛。
當你懂得滿足這三個需要，
你會發現——
原來幸福唔係外面搵返嚟，
係你學識點樣活出自己。
P.S.
如果你想學識點樣重建「自主、能力、連結」三大支柱，
重新感受愛與自由，
DM 我了解更多